12 فبراير، 2011

رسالة من الجنة على لسان محمد علاء مبارك رحمه الله

شارك
مدونة سامكو : رسالة من الجنة
ازيك يامامي وحشتيني أوي انتي وبابي واخويا الصغير وجدو وتيتة وعمو جمال وكل اصحابي . مصر كلها وحشتني
يامامي يوم 25 يناير صحابي في الجنة نادولي وقالولي تعالي بسرعة يامحمد في ناس من بلدك دخلو الجنة
قولتلهم مصريين! قالو ايوة دول شهداء كمان يامحمد...
جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وزادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانية علي اسرائيل او اعدء تانيين
روحت يامامي وقعدت معاهم علشان يحكولي عن جدو القائد واللي بيعملة واسمع بطولاتهم ولما سألتهم هي مصر بتحارب مين وانتو استشهدتوا ازاي وفين ؟؟؟؟
وجدو كرمكم قبل ماتيجوا الجنة !!! بصوا لبعض ومحدش رد !!!
سألت تاني ردوا عليا مين قتلكوا ؟؟؟؟؟
واتقتلتوا برصاص اسرائيل ولا مين ؟؟؟؟؟
وجدو عمل اية في اللي قتلكوا!
ولما بكيت لاول مرة لان الجنة مافيهاش حزين
قالولي لا مش اسرائيل ده رصاص مصري يامحمد حراس جدك يامحمد هما اللي قتلونا


لقيتني مش فاهم حاجة صرخت وقلت مش عاوز اسمع حاجة وجريت وروحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم
رفعت راسي وقلتلهم انتو طيبين أوي.... قالولي مش احنا بس اللي طيبين دة كل المصرين طيبين
يامامي انا مش هاسأل حصل اية ولا عاوز اسمع حاجة لكن قولي لجدو انا مش اغلي من اي واحد منهم عند مامتو وزي ماحسيتي يوم ما انا مت إوصفيله كل ام حاسة بأية دلوقت وقوليلة انتي لاني انا مخاصمه.... ازاي هان علية كل الناس دي ومعملش حاجة لللي قتلهم
قوليلة لازم يبرد قلوب الامهات والابهات دا الابن غالي وانتي عارفة يامامي ويابابي قولو لجدو انه خلاص مبقاش ينفع يبقي رئيسها بعد اللي حصل
جدو لازم يرتاح في بيتة ويسيب مصر لولادها هما اولي بيها وانا هادعيلة ربنا يغفرله
وقبل ما اخلص كلام يامامي اهم حاجة والكلام دة لبابي وعمو جمال وجدو قبل ماتسبوها لولادها يديروها اوعي يكون يابابي في مالك انت وعمو جمال وجدو حق لمصر وللمصرين وخدتة
اوعى يابابي.... انا بحبكو ومقدرش اشوفكوا شايلين ذنب زي ده اوعى يابابي مال الشعب الطيب الغلبان الشقيان تاخدوة معاكوا تصرفوا وتعيشوا منة بقية حياتكوا .
اوعي يابابي اخويا الصغير ياكل ويعيش ويتربي بمال مش من حقة وفية مصرين كتير مش لاقيين.
ساعتها تبقي كتبت عليا افارق اخويا دنيا واخرة لانه لازم يتربي بمال حلال عشان اقابلة يوم في الجنة وقول لجدو وتيتة وعمو جمال وطنط خديجة ان الجنة حلوة أوي احلي من اي حاجة ولا اي مليارات مش حلال تستاهل يضحوا بالجنة عشانها دا ربنا بيسأل عن كل جنية كسبتة ازاي وصرفتة في ايه
والسلام عليكم ياعيلتي اللي بحبها
والسلام تحية اهل الجنة
شارك

9 التعليقات:

غير معرف يقول...

بحبك يا مصر

غير معرف يقول...

بحبك ياغلية يامصر
ارجو رضاك عنى يارب

غير معرف يقول...

رسالة جميلة بجد وكلام مؤثر اوى
ربنا يجازيكوا خير

وياريت الكل يعرف ان الدنيا مش بتدوم
وانها متستاهلش نخسر نفسنا ونخسر الاخرة علشانها

وان رضا ربنا اهم بكتير من جمع المال

ربنا يرحم الشهداء جميعا
ويحسن خاتمتنا يااارب

باسم يقول...

لا إله إلا الله .. اللهم عليك بالظلم والإستبداد

محمد سامى يقول...

اشكركم جميعا على تعليقاتكم الجميلة والف مبروك لمصر وكل المصريين

اشكرك اخى العزيز باسم

علي عيَّاط يقول...

ادعو لمبارك بالشفاء العاجل مهما كان كان رئسنا لمدة 30 سنة وعمل كتير كويس يعني المفروض نسامحه .

محمد سامى يقول...

اشكركم على مروركم الكريم

المشرف العام يقول...

بحبك يا مصر

محمد سامى يقول...

تشرفت بوجودك اخى المشرف العام

إرسال تعليق

التبادل النصى والاعلانات

 
Design by مدونة سامكو | Bloggerized by الأدراة - Premium Blogger Themes | اتصل بنا

التبادل الاعلانى

خدمات الدعم الفنى لبلوجر

التبادل الاعلانى